Konfirmohet rasti i tretë me koronavirusin kinez në SHBA

Pas qyteteve Chicago dhe Washington, rasti i koronavirusit të ri është regjistruar edhe në rajonin e Kalifornisë në SHBA, transmeton Anadolu Agency (AA).

Qendra amerikane për Kontrollin dhe Parandalimin e Sëmundjeve (CDC) në SHBA konfirmoi se në rajonin Orange në rajonin e Kalifornisë tek një udhëtar i ardhur nga qyteti Wuhan i Kinës është vërejtur rasti me koronavirusin.

Zyra e shëndetit në rajonin Orange njoftoi se i prekuri nga ky virus është vendosur në karantinë dhe se situata e tij është e mirë.

Ndër të tjera bëhet e ditur se do të ndiqen edhe personat me të cilët personi në fjalë ka patur kontakte të afërta.

Kujtojmë se numri i viktimave nga përhapja e koronavirusit të ri (2019-nCoV) në qytetin Wuhan të Kinës është rritur në 56 ndërsa janë prekur mbi 1.975 të tjerë nga të cilët 324 në gjendje të rëndë.