Meksika tha se SHBA-ja duhet të investojnë çdo vit 2 miliardë dollarë në Honduras, El Salvador dhe Guatemala, në të kundërtën fluksi i migrantëve nga këto vende do të bëhet i përhershëm duke shënuar rritje, transmeton Anadolu Agency (AA).
Meksika tha se SHBA-ja duhet të investojnë çdo vit 2 miliardë dollarë në Honduras, El Salvador dhe Guatemala, në të kundërtën fluksi i migrantëve nga këto vende do të bëhet i përhershëm duke shënuar rritje. ( Tayfun Coşkun - Anadolu Agency )
Ministri i Jashtëm i Meksikës, Marcelo Ebrard sugjeroi për investime në Honduras, Guatemala dhe El Salvador. Ai shpreson se administrata e Washingtonit do të bëjë përpjekje të përbashkëta.
"Nëse e shikoni rajonin nga kënde të ndryshme, veçanërisht në aspektin demografik dhe ekonomik, është e sigurt që në vitet në vijim fluksi i migrantëve do të rritet dhe do të bëhet i përhershëm", tha Ebrard duke shtuar se SHBA-ja duhet të investojë çdo vit 2 miliardë dollarë për zhvillimin e këtyre vendeve.
Numri më i lartë që nga viti 2006
Guatemala dhe El Salvadori janë shtete në kufirin jugor të SHBA-së, vende prej ku më së shumti emigrojnë në SHBA.
Dogana Amerikane dhe Mbrojtja Kufirit (CBP) më 2 prill njoftoi se gjatë muajit mars numri i migrantëve që kanë bërë përpjekje të kalojnë kufirin SHBA-Meksikë ka tejkaluar shifrën 171 mijë dhe se kjo shifër është më e larta që nga viti 2006.
