Umar Farooq
30 Maj 2019•Përditësim: 31 Maj 2019
Pentagoni ka deklaruar se operacionet e portit të SHBA-ve në Greqi janë pjesë e administrimit të rregullt me aleatët e NATO-s dhe nuk janë “rritje e pranisë ushtarake” siç pretendon Rusia në mënyrë të gabuar, transmeton Anadolu Agency (AA).
“Ne rregullisht kryejmë këto lloj operacionesh me vendet partnere dhe aleatët e NATO-s për të rritur ndërveprimin dhe për të forcuar marrëdhëniet dhe porti grek është një rrugë kyçe e Ballkanit dhe Evropës Jugore, ku do të mbahen nëntë stërvitje”, tha në një deklaratë Eric Pahon, zëdhënës i Pentagonit.
“Propaganda ruse që pretendon se SHBA-të po rrisin praninë ushtarake në Greqi është plotësisht e rreme dhe është e dizajnuar për të shkaktuar çarje midis SHBA-ve, Turqisë dhe Greqisë”, shtoi ai.
Kreu i Shefave të Përbashkët të Shtabit, Joseph Dunford, shtatorin e kaluar tha se SHBA-të po kërkonin të rrisnin praninë e tyre ushtarake në Greqi, duke rritur numrin e bazave dhe porteve.
Turqia më parë akuzoi Greqinë për abuzim të marrëdhënieve, përfshirë NATO-n, për të tërhequr fuqitë ndërkombëtare në mosmarrëveshjet rreth të drejtave të Detit Egje midis dy vendeve.
Një delegacion turk i mbrojtjes shkoi në Athinë javën e kaluar për takim teknik me zyrtarët grekë që synonin të përmirësonin bashkëpunimin në masat për ndërtimin e besimit dhe kodin e administrimit në Detit Egje.
Turqia vazhdimisht ka kundërshtuar shpimet e njëanshme të administratës greke qipriote në Mesdheun Lindor, duke theksuar se qipriotët turq po ashtu kanë të drejta për burimet në zonë dhe Ankaraja ka të drejtën e aktiviteteve të shpimit të hidrokarbureve në rajon.
Pentagoni tha se rusët po përpiqeshin të vendosnin një fushatë për të ndarë aleatët e NATO-s dhe ajo do të mbetet e gatshme për të kërkuar ndonjë përpjekje tjetër.
“Ne jemi të qartë dhe të vetëdijshëm se rusët kërkojnë të përdorin gënjeshtra dhe dezinformata për të thyer marrëdhëniet midis aleatëve dhe ne do të mbetemi vigjilent në vënien në dukje të këtyre gënjeshtrave si ato ndodhin”, tha Pahon.
