Papa Leoni dhe kryeministri polak diskutojnë luftën në Ukrainë dhe çështjet globale

Papa Leoni dhe kryeministri polak, Donald Tusk, kanë diskutuar luftën e vazhdueshme në Ukrainë dhe rolin e Varshavës në Bashkimin Evropian (BE) gjatë takimit të tyre në Vatikan, transmeton Anadolu.

Autoritetet polake thanë se takimi trajtoi gjithashtu çështje më të gjera globale, ndërkohë Vatikani bisedimet i quajti “miqësore” dhe theksuan “marrëdhëniet e mira” mes dy palëve.

Situata sociale dhe ekonomike në Poloni, si dhe marrëdhëniet mes Kishës dhe shtetit, veçanërisht në arsim dhe çështje etike, u theksuan gjithashtu gjatë takimit.

Qeveria polake tha se takimi u fokusua te paqja, pajtimi dhe uniteti global.

Tusk tha se Papa Leoni riafirmoi “nevojën për paqe, pajtim dhe bashkimin e njerëzve me vullnet të mirë në mbarë botën”.

Duke cituar komentet e papës, Tusk tha se Ati i Shenjtë theksoi se e vërteta është “më e fortë se gënjeshtra”, duke theksuar rëndësinë e dialogut dhe solidaritetit mbi përballjen.

Tusk konfirmoi se Papa ka pranuar një ftesë për të vizituar Poloninë.