Plagosen 3 gra palestineze në sulmet izraelite në Rripin e Gazës

Tri gra palestineze u plagosën sot në sulme të veçanta izraelite në gjithë Rripin e Gazës, mes shkeljeve të vazhdueshme të përditshme të marrëveshjes së armëpushimit, e cila është në fuqi që nga 10 tetori 2025, transmeton Anadolu.

Një burim mjekësor i tha Anadolu se dy gra u plagosën kur forcat izraelite hapën zjarr ndaj shtëpive palestineze dhe çadrave të të zhvendosurve në kampet e refugjatëve Nuseirat dhe Bureij në Gazën qendrore.

Një grua e tretë palestineze pësoi plagë të rënda nga bombardimet me artileri izraelite në lindje të Jabalia al-Baladit në veri të Rripit të Gazës, tha burimi.

Sipas shifrave të fundit të Ministrisë së Shëndetësisë në Gaza, shkeljet izraelite të marrëveshjes së armëpushimit që nga tetori 2025 kanë vrarë 1.386 palestinezë dhe kanë plagosur 4.784 të tjerë.

Që nga 8 tetori 2023, Izraeli ka vrarë më shumë se 73 mijë palestinezë dhe ka plagosur mbi 174 mijë të tjerë në gjenocidin e tij në Gaza ndërsa ka shkatërruar rreth 90 për qind të infrastrukturës së enklavës.