Policia spanjolle në kërkim të ragbistit të zhdukur anglez

Policia në verilindje të Spanjës është në kërkim të një ragbisti anglez, i cili supozohet se është zhdukur në Barcelonë, transmeton Anadolu Agency (AA).

Policia rajonale në Katalonjë konfirmoi sot se po heton vendndodhjen e Levi Davis, i cili përveç se ishte lojtar profesionist i ragbit ai ishte edhe konkurrent në emisionin muzikor britanik Celebrity X Factor.

Bath Rugby Club bëri thirrje të dielën për ta gjetur ish-lojtarin e tyre Davis, duke thënë se 24-vjeçari për herë të fundit u pa më 29 tetor në një pab irlandez në Barcelonë.

Policia katalonjase tha se nuk kishte marrë asnjë kërkesë zyrtare për kërkim nga autoritetet britanike.