Pompeo viziton Arabinë Saudite, takohet me princin e kurorës

Sekretari amerikan i Shtetit, Mike Pompeo, u takua sot me princin saudit të kurorës, Muhammed bin Salman, në qytetin veriperëndimor Neom të Arabisë Saudite për të diskutuar zhvillimet e fundit rajonale dhe marrëdhëniet dypalëshe, transmeton Anadolu Agency (AA).

Në njoftimin e agjencisë së lajmeve të Arabisë Saudite SPA nuk u dha asnjë detaj i mëtejshëm.

Në takim morrën pjesë edhe ministri i Punëve të jashtme të Arabisë Saudite, Faisal bin Farhan, si dhe ambasadori i SHBA-së në Riad, John Abizaid.

Vizita e sekretarit amerikan Pompeo në Arabinë Saudite është pjesë e turneut të tij ku ai viziton 7 shtete, turne i cili filloi javën e kaluar në Francë.