Presidenti rus dhe ai azerbajxhanas diskutojnë për marrëdhëniet dypalëshe

Presidenti rus Vladimir Putin zhvilloi sot bisedë telefonike me homologun e tij azerbajxhanas, Ilham Aliyev, për të diskutuar mbi marrëdhëniet dypalëshe dhe çështjet ndërkombëtare, transmeton Anadolu.

Në një deklaratë të Kremlinit thuhet se të dy liderët rikonfirmuan angazhimin e tyre për zgjerimin e mëtejshëm të bashkëpunimit reciprokisht të dobishëm.

Gjatë bisedës, Putin dhe Aliyev vunë në dukje natyrën konstruktive të marrëdhënieve ruso-azerbajxhane si dhe intensifikimin e dialogut midis qeverive të tyre dhe agjencive përkatëse.