Presidenti ukrainas e quan Rusinë "shtet terrorist"

Presidenti i Ukrainës, Volodymyr Zelenskyy, e quajti Rusinë një "shtet terrorist" pasi forcat ruse goditën objektivat afër qytetit Kharkiv, raporton Anadolu Agency (AA).

Në një video-mesazh, Zelenskyy i bëri thirrje komunitetit ndërkombëtar që "t’i përgjigjet menjëherë këtij krimi" dhe të kërkojë nga Rusia "përgjegjësi të plotë" për agresionin kundër Ukrainës.

Sot në mëngjes, forcat ruse goditën sheshin qendror dhe ndërtesën e administratës rajonale në qytetin verilindor të Ukrainës, Kharkiv, rreth 300 milje nga Kievi.

"Sot është prioritet kyç për të gjitha qytetet, Ukraina duhet të bëjë gjithçka që është e mundur për të ndaluar armikun. Është përgjegjësi e autoriteteve ushtarake dhe civile të çdo qyteti", tha ai.

Që nga fillimi i luftës së Rusisë kundër Ukrainës të enjten e kaluar, ajo është pritur me zemërim nga komuniteti ndërkombëtar, me BE-në, Britaninë dhe SHBA-në që zbatojnë një sërë sanksionesh ekonomike kundër Rusisë.