Përleshje në burg në Greqinë veriore, vriten 2 të burgosur

Një përleshje në burg në Greqinë veriore shkaktoi në vdekjen e dy të burgosurve, raportuan mediat lokale të hënën, transmeton Anadolu.

Viktimat e përleshjes në burgun e Nigritës janë një shtetas algjerian dhe një iranian, tha e përditshmja "Kathimerini", duke shtuar se autoritetet kanë arrestuar 11 të burgosur, përfshirë dy të dyshuarit kryesorë në vrasje.

Oficerët e burgut gjetën disa objekte gjatë një bastisjeje pas incidentit vdekjeprurës, duke përfshirë thika të improvizuara dhe dërrasa druri, sipas të përditshmes.

Ajo tha se shkaku i përleshjes nuk është ende i qartë.