Emel Öz Gözellik
24 Qershor 2018•Përditësim: 25 Qershor 2018
ANKARA (AA) - Të paktën 15 persona kanë humbur jetën si pasojë e rrokullisjes së një traktori me rimorkio në kanal në shtetin Telangana të Indisë, transmeton Anadolu Agency (AA).
Sipas lajmit në mediat lokale, zyrtarët policor theksuan se shoferi ka humbur kontrollin e traktorit dhe si pasojë është rrëzuar në kanalin e lumit Musi në fshatin Laxmapuram, ku prej 20 persona 14 dhe shoferi kanë humbur jetën.
Policia bëri të ditur se 6 personat të cilët janë plagosur janë dërguar në spital, ndërsa ka filluar hetimi rreth aksidentit.
Në Indi çdo vit humbin jetën rreth 110 mijë persona si pasojë e aksidenteve të cilat ndodhin për shkak të rrugëve të këqija, shoferëve të pakujdesshëm dhe automjeteve të vjetra.
