Rusia dërgon 13 tonë ndihma humanitare në Iran nëpërmjet Azerbajxhanit

Ministria e Situatave të Emergjencave e Rusisë tha të enjten se ka dërguar 13 tonë ndihmë humanitare në Iran nëpërmjet Azerbajxhanit, transmeton Anadolu.

Ministria tha në një deklaratë se dërgesa, e përbërë nga ilaçe, u dorëzua në Azerbajxhan për transferim të mëvonshëm tek autoritetet iraniane.

Ministria tha se dorëzimi i ndihmës u krye me urdhër të Presidentit russ, Vladimir Putin.

"Aviacioni i ministrisë organizoi dërgimin e ilaçeve në Republikën e Azerbajxhanit për transferim të mëvonshëm tek përfaqësuesit e autorizuar të qeverisë së Republikës Islamike të Iranit", thuhet në deklaratë.

Tensionet rajonale u përshkallëzuan më 28 shkurt kur SHBA-ja dhe Izraeli nisën sulme në shkallë të gjerë ndaj Iranit që kanë vrarë më shumë se 1.300 njerëz, përfshirë Udhëheqësin Suprem, Ali Khamenei.

Teherani është përgjigjur me sulme me dronë dhe raketa që synojnë Izraelin, si dhe vendet e Gjirit që strehojnë asete ushtarake amerikane.