Senatorët amerikanë vizitojnë Kievin

Presidenti i Ukrainës, Volodymyr Zelenskyy u takua në Kiev me delegacionin e senatorëve amerikanë të përbërë nga Lindsey Graham, Richard Blumenthal dhe Sheldon Whitehouse, transmeton Anadolu Agency (AA).

Në një deklaratë nga Presidenca e Ukrainës thuhet se senatorët amerikanë Graham, Blumenthal dhe Whitehouse u pritën në një takim nga Zelenskyy.

Në takimin që u zhvillua me dyer të mbyllura për median dhe në të cilin mori pjesë edhe ambasadorja e SHBA-së në Keiv, Bridget A. Brink, thuhet se Zelenskyy njoftoi delegacionin amerikan për zhvillimet lidhur me luftën Rusi-Ukrainë.

Theksohet se në takimin e mbajtur në presidencën ukrainase, Zelenskyy falënderoi senatorët për mbështetjet që kanë dhënë për vendin e tij.

Duke rikujtuar se SHBA-ja ka miratuar paketën e re të ndihmës me armë për Ukrainën, Zelenskyy tha: "(Paketa e ndihmës me armë) Do të përfshijë pajisjet ushtarake dhe municionet për të cilat kemi nevojë. SHBA-ja është lider në këtë çështje jashtëzakonisht të rëndësishme".

Në takim u trajtuan çështjet si vazhdimi i sanksioneve ndaj Rusisë dhe vazhdimi i ndihmës ushtarake për Ukrainën.