SHBA, një person i plagosur në protestat kundër dhunës së policisë

Një person është plagosur me armë zjarri në qytetin Denver të Kolorados në SHBA, gjatë protestave kundër racizmit dhe dhunës së policisë, transmeton Anadolu Agency (AA).

Zyrtarët e policisë njoftuan se një person në rrethin Aurora të Denver ka drejtuar automjetin në drejtim të protestuesve, pas së cilës njëri nga protestuesit e ka qëlluar me armë duke e plagosur atë.

Zyrtarët bëjnë të ditur se i plagosuri është dërguar në spital, duke mos dhënë më shumë detaje.

Ende nuk dihet vallë i plagosuri është ai që e ka drejtuar automjetin drejt protestuesve.

Gjithashtu zyrtarët thonë se protestuesit kanë shkaktuar "dëme të mëdha" në ndërtesën e gjykatës.

- Në protestat në Louisville të pranishëm milicitë afroamerikane me armë të rënda

Sipas lajmeve të mediave amerikane, në protestat e organizuara gjatë fundjavës në qytetin Louisville të shtetit Kentucky, një grup i përbërë prej afroamerikanëve me armë të rënda zhvilluan marshim.

Mësohet se grupi në fjalë është koalicioni NFAC.

Milicitë me uniforma të zeza të paramilitarëve dhe me armë gjysmë-automatike dhe armë gjuetie kërkuan drejtësi për afroamerikanen Breonna Taylor e vrarë nga policia në shtëpinë e saj në muajin mars.

Ndërkohë policia e ndau rrugën në dy pjesë për të parandaluar përballjen e një grupi tjetër të armatosur me milicinë.

Sipas lajmit të BBC, 3 persona janë plagosur pasi një anëtar i milicisë gabimisht ka hapur zjarr.

Afro-amerikani Goerge Floyd humbi jetën nga asfiksimi në muajin maj pasi një polic i bardhë i vuri gjurin në qafë për disa minuta gjatë arrestimit, përkundër përgjërimeve dhe fjalëve të tij të fundit "Nuk mund të marrë frymë", që u bënë slogan i protestave mbarëkombëtare dhe mbarëbotërore.

Ndërsa afro-amerikanja 26-vjeçare Breonna Taylor u qëllua për vdekje në muajin mars në shtëpinë e saj nga policia.