SHBA, zbulohen 17 lloje të reja të shumëkëmbëshit

Shkencëtarët amerikanë njoftuan se janë zbuluar 17 lloje të reja të shumëkëmbëshave Nannaria që jetojnë në malet Apalachian të SHBA-së, transmeton Anadolu Agency (AA).

Entomologët nga Instituti Politeknik dhe Universitetit Shtetëror në Virginia ekzaminuan më shumë se 1.800 ekzemplarë të mbledhur gjatë punës në terren ose nga koleksionet e universitetit dhe muzeut, raportoi Sci-News.

Si rezultat i studimit të tyre, entomologët zbuluan 17 lloje të reja të gjinisë Nannaria të shumëkëmbëshave që jetojnë në malet Apalachian.

Dr. Derek Hennen nga Instituti Politeknik i Virginia-s, duke theksuar se këta jokurrizorë pak të njohur kanë një rol të vlefshëm si dekompozues, tha se ata thyejnë mbeturinat e gjetheve dhe lëshojnë lëndët ushqyese të tyre në ekosistem.

"Ata jetojnë në dyshemenë e pyllit, ku ushqehen me gjethe të kalbura dhe bimë të tjera, dhe në fakt, janë pak të vështira për t'u kapur sepse priren të qëndrojnë të varrosura në tokë, ndonjëherë plotësisht nën sipërfaqe", tha Hennen.

Thuhet se speciet e reja të zbuluara në studim grumbullohen në pyjet me panjë, dushk, lajthi të shtrigave dhe pisha në lartësi që variojnë nga 481 deri në 1.539 metra.

Rezultatet e studimit janë publikuar në revistën ZooKeys.