Shtëpia e Bardhë mohon planet për të përdorur armë bërthamore në Iran

Shtëpia e Bardhë mohoi sot raportimet se SHBA-ja po shqyrton përdorimin e armëve bërthamore kundër Iranit, duke hedhur poshtë pretendimet se deklaratat e nënpresidentit JD Vance kishin aluduar në një veprim të tillë, transmeton Anadolu.

“Fjalë për fjalë, asgjë që tha nënpresidenti nuk e ‘nënkupton’ këtë”, postoi llogaria “White House Rapid Response” në rrjetin social amerikan X.

Mohimi erdhi pasi Vance paralajmëroi Iranin se SHBA-ja ka “mjete në arsenalin tonë që deri tani nuk kemi vendosur t’i përdorim”, duke thënë se presidenti Donald Trump do t’i përdorte ato nëse Teherani nuk ndryshon kursin.

Trump më herët paralajmëroi se “një civilizim i tërë do të vdesë sonte, për të mos u kthyer kurrë më” — deklarata që nxitën spekulime ndërsa afrohet afati i tij ndaj Iranit në orën 20:00 sipas kohës lindore të SHBA-së.