Trump: Bisedimet me Iranin po shkojnë mirë

Presidenti i SHBA-së, Donald Trump, ka bërë të ditur se bisedimet me Iranin “po shkojnë mirë”, transmeton Anadolu.

"Mendoj se ata po shkojnë mirë. Asgjë nuk ka rëndësi derisa po e bëni atë. Pra, nuk më pëlqen të flas për këtë", u tha Trump gazetarëve në bordin e ‘Air Force One’.

Komentet e tij erdhën pasi i dërguari presidencial i SHBA-së, Steven Witkoff, i shoqëruar nga ambasadorja e SHBA në Oman, Ana Escrogima, dje zhvilloi bisedime në Oman me ministrin iranian të Punëve të Jashtme, Abbas Araghchi.

Më herët, Shtëpia e Bardhë tha se bisedimet ishin "shumë pozitive dhe konstruktive".

Sipas Shtëpisë së Bardhë, i dërguari amerikan i tha ministrit iranian se kishte udhëzime nga Trump për “të zgjidhur mosmarrëveshjet e dy kombeve tona përmes dialogut dhe diplomacisë, nëse kjo është e mundur".

“Këto çështje janë shumë të ndërlikuara dhe komunikimi i drejtpërdrejtë i të dërguarit special Witkoff sot ishte një hap përpara në arritjen e një rezultati reciprokisht të dobishëm”, theksoi Shtëpia e Bardhë.

Palët ranë dakord të takohen të shtunën e ardhshme.