Ukraina: Rusia dje sulmoi objektet energjetike në vend me 96 raketa dhe dronë

Autoritetet e Ukrainës njoftuan se Rusia sulmoi dje objektet energjetike në vend me 96 raketa dhe dronë, transmeton Anadolu Agency (AA).

Ushtria ukrainase ka përditësuar informacionin lidhur me sulmet e forcave ruse ndaj objekteve energjetike të vendit.

Sipas kësaj, Rusia dje sulmoi objektet energjetike në Ukrainë me 96 raketa lundruese, raketa avionësh dhe mjete ajrore pa pilot (UAV).

Sistemet e mbrojtjes së Ukrainës rrëzuan 75 raketa lundrimi, 2 raketa avionësh dhe 12 UAV të lëshuara nga ushtria ruse.