Ushtria e SHBA-së trajnon terroristët e PKK/YPG-së në Siri për përdorimin e tankeve

Ushtarët amerikanë ofruan për terroristët e PKK/YPG-së në rajonin Deri Ez-Zor në lindje të Sirisë trajnim për përdorimin e tankeve, raporton Anadolu.

Forcat amerikane të cilët tregojnë prani në rajonet nën pushtimin e organizatës terroriste PKK/YPG në Siri, vazhdojnë të ofrojnë mbështetje me trajnim të armatosur për organizatën terroriste.

Sipas informacioneve që Anadolu ka marrë nga burimet lokale, trajnimi i zhvillua dje në afërsi të fushës së gazit Koniko në Deri Ez-Zor, ku janë të vendosura forcat e SHBA-së.

Ndërkohë nuk është mundur të mësohet se me tanket e cilit vend janë dhënë trajnimet.

Dhjetëra terroristë të PKK/YPG-së, përveç trajnimit për tanke kanë marrë nga ushtarët e SHBA-së trajnim edhe rreth përdorimit të anti-tankeve TOW të prodhimit amerikan.

Një tjetër trajnim që terroristët kanë marrë në të njëjtën pikë, janë edhe ato për goditjet me artileri dhe mortajat.

SHBA-ja e cila kryeson koalicionin e formuar kundër organizatës terroriste DEASH, edhe më parë ka mbështetur me stërvitje dhe trajnime të ndryshme të armatosura terroristët e PKK/YPG-së në territoret Al-Hasakah dhe Deri Ez-Zor në lindje të Eufratit.

Forcat e SHBA-së dhe koalicionit që ajo kryeson, kanë dhënë trajnime të armatosura për terroristët e PKK/YPG-së që nga viti 2015 e deri më tani.