Vrapuesi Roger Bannister ndërron jetë në moshën 88-vjeçare

LONDËR (AA) - Roger Bannister, garuesi i parë që ka vrapuar një milje (1.6 kilometra) për më pak se katër minuta, ka ndërruar jetë në moshën 88-vjeçare, transmeton Anadolu Agency (AA).

Familja Bannister lajmëroi opinionin se britaniku ndërroi jetë të shtunën në Oxford.

Bannister më 6 maj të vitit 1954 vrapoi katër rrethe për tre minuta e 59.4 sekonda, që për shumë kënd atëbotë ishte rezultat i paarritshëm.

Disa muaj më vonë, Bannister fitoi kundërshtarin australian John Landy në garën e njohur si “Milja e shekullit” në Lojërat e Commonwealth-it në Vancouver, kur të dy vrapuan miljen për më pak se katër minuta.

Ai nga vrapimi hoqi dorë për të vazhduar karrierën e tij të gjatë dhe të pasur mjekësore.