FMN-ja miraton kredi 8.1 miliardë dollarëshe për Ukrainën

Fondi Monetar Ndërkombëtar (FMN) njoftoi të enjten se Bordi i tij ekzekutiv miratoi një kredi katërvjeçare prej 8.1 miliardë dollarësh për Ukrainën, me një disbursim të menjëhershëm prej rreth 1.5 miliardë dollarësh, transmeton Anadolu.

Marrëveshja e re e Fondit të Zgjeruar (EFF) është pjesë e një pakete më të gjerë mbështetëse ndërkombëtare prej 136.5 miliardë dollarësh që synon të mbështesë ekonominë e Ukrainës në mes të luftës së saj të vazhdueshme me Rusinë, tha ai.

"Ukraina dhe populli i saj kanë përballuar një luftë të gjatë dhe shkatërruese për më shumë se katër vjet me një qëndrueshmëri të jashtëzakonshme”, tha drejtoresha menaxhuese e FMN-së, Kristalina Georgieva.

"Marrëveshja e re EFF synon të ruajë stabilitetin makroekonomik dhe financiar të fituar me mund, si dhe të zgjerojë dhe thellojë reformat strukturore ndërsa lufta vazhdon", shtoi Georgieva.