FMN rishikon rritjen ekonomike saudite në 2,1 për qind për vitin 2021

Fondi Monetar Ndërkombëtar (FMN) rishikoi parashikimin e rritjes ekonomike të Arabisë Saudite për vitin 2021 në 2,1 për qind nga 2,9 për qind, transmeton Anadolu Agency (AA).

Parashikimet e rritjes për vitin 2022, megjithatë, janë rishikuar deri në 4,8 për qind, nga vlerësimi i mëparshëm prej 4 për qind, sipas raportit të FMN-së për Parashikimin Ekonomik Botëror në mars.

Ekonomia saudite u tkurr për 4,1 për qind vitin e kaluar, sipas organizatës ndërkombëtare.

Rritja e prodhimit të brendshëm bruto jo të naftës (PBB) e vendit u ul në gjysmën e dytë të vitit 2020, ndërsa treguesit sugjerojnë se rimëkëmbja ka vazhduar më 2021, sipas FMN-së. Ajo pret që rritja jo-naftë të jete në 3,9 për qind në vitin 2021 dhe 3,6 për qind më 2022, nga tkurrja prej 2,3 për qind në vitin 2020.

"Rritja reale e PBB-së së naftës është parashikuar në -0.5 për qind në vitin 2021 (-6.7 për qind më 2020) duke pasur parasysh nivelet e prodhimit të rënë dakord nga OPEC+ dhe 6,8 për qind në vitin 2022 pasi marrëveshja OPEC+ supozohet të përfundojë siç u njoftua", theksoi FMN në deklaratën e saj përfundimtare të misionit të Artikullit IV të vitit 2021.

FMN potencoi se niveli i papunësisë për shtetasit sauditë u rrit në 15,4 për qind në tremujorin e dytë të vitit 2020 para se të bie në 12,6 për qind në tremujorin e katërt të vitit të kaluar.