Linja ajrore kineze do të shërbejë pije turke

Sipas një marrëveshjeje të re me një nga prodhuesit kryesor të pijeve në Turqi, kompania ajrore kineze China Eastern Airlines do të shërbejë pije turke në fluturimet e saj, raporton Anadolu Agency (AA).

China Eastern, transportuesi i shtatë më i madh në botë, do t'u shërbejë produktet e Dimes pasagjerëve të klasit të parë dhe të klasit biznes, njoftoi kompania të martën.

Sipas marrëveshjes pesë-vjeçare, produktet e Dimes do t'u ofrohen gjithashtu në katalogun online të kompanisë.

China Eastern Airlines transporton më shumë se 110 milionë pasagjerë në vit, thuhet në deklaratë.

Produktet e Dimes përfshijnë lëngjet e frutave, çajin e ftohtë, limonadën dhe qumështin.