Presidenti amerikan me paralajmërim mbi Kinën

Presidenti amerikan, Joe Biden, paralajmëroi se Kina është gati të mposhtë Shtetet e Bashkuara të Amerikës (SHBA) mes garës së madhe të fuqisë nëse vendi nuk mund të unifikohet në një plan për të forcuar infrastrukturën e tij të përkeqësuar rëndë, raporton Anadolu Agency (AA).

Paralajmërimi i Biden-it vjen pasi ai zhvilloi bisedën e tij të parë telefonike me presidentin kinez, Xi Jinping, që presidenti i SHBA-së tha se zgjati dy orë.

Presidenti amerikan i bëri thirrje Kongresit që të përgatisë një plan masiv të rigjallërimit të infrastrukturës, duke thënë se pa të Kina "do t'i tejkalojë".

"Ata kanë iniciativa të reja të mëdha në hekurudhë dhe ata tashmë kanë hekurudhë që shkon 225 milje në orë me lehtësi", tha Biden derisa u takua me ligjvënësit në Zyrën Ovale, duke treguar po ashtu përparimet e Pekinit në ndërtimin e automjeteve.

"Ata po punojnë shumë që të mund të lëvizin në pozitën ku përfundojnë të jenë burimi i një mënyre të re për të furnizuar me automjete. Ata do të investojnë shumë para dhe po investojnë miliarda dollarë në një gamë të tërë çështjesh që kanë të bëjnë me transportin, mjedisin dhe një gamë të tërë të gjërave të tjera. Ne thjesht duhet të bëjmë hap përpara", shtoi presidenti amerikan.