Rusia dhe Turqia vendet që kanë blerë më shumë ar në botë

MOSKË (AA) - Rusia dhe Turqia janë dy vendet që kanë blerë më shumë ar në botë në vitin 2018 nëpërmjet bankave qendrore që nga viti 1971, transmeton Anadolu Agency (AA).

Sipas raportit të publikuar nga Këshilli Botëror i Arit (WGC), nga bankat qendrore në të gjithë botën në vitin 2018 janë blerë 651,5 ton ar, që është niveli më i lartë që nga viti 1971 e deri më sot.

Në kuadër të politikës së saj për "mospërdorim të dollarit" që vazhon në ekonominë e saj Rusia është vendi i parë në botë duke blerë 274,3 ton ar në vitin 2018.

Rezervat e arit të Rusisë, të cilat i investon në buxhet krysesisht duke eliminuar depozitimin e obligacioneve amerikane deri në fund të vitit 2018 kanë arritur në 2133 ton.

Ndërsa Turqia është radhitur vendi i dytë në botë që ka blerë më shumë ar, duke rritur rezervat e saj të arit me 51,5 ton.

Në vendin e tretë me blerjen e 50,6 ton ar vitin e kaluar është Kazakistani i cili që prej 8 vitesh pa ndërprerje rrit rezervat e tij të arit.

Në këtë mënyrë rezervat totale të arit të bankave qendrore botërore në vitin 2018 në krahasim me vitin 2017 kanë shënuar një rrtije me 74 për qind duke arritur rreth 34 mijë ton.

Raporti thekson se për shkak të rritjes së pasigurive gjeopolitike dhe ekonomike gjatë gjithë vitit, bankat qendrore kanë diversifikuar rezervat e tyre dhe janë fokusuar në investimin në pasuri të sigurta.