Ulja e tensioneve Rusi-Ukrainë shkakton rënien e çmimit të gazit në Evropë

Çmimet e gazit natyror në Evropë filluan të bien sot pasi Rusia njoftoi tërheqje të pjesshme të trupave të saj nga kufiri ukrainas, raporton Anadolu Agency (AA).

Çmimet e gazit natyror për kontratat e marsit, që tregtohen në TTF, pika virtuale e tregtimit të gazit natyror me bazë në Holandë, arritën deri në 83,60 euro të martën.

Gazi natyror të mërkurën tregtohej me 68,50 euro, me një rënie prej 15 për qind pas mbylljes së mëparshme me 80,77 euro.

Evropa importon afërsisht 40 për qind të nevojave të saj të gazit natyror nga Rusia, ekuivalente me 175 miliardë metra kub.

Standardi ndërkombëtar Brent ra në mënyrë të ngjashme pas zbutjes së tensioneve midis Rusisë dhe Ukrainës.

Nafta e papërpunuar Brent u tregtua me 94,37 dollarë për fuçi në të mërkurën në mëngjes, me një rënie prej 1,96 për qind, duke arritur në 96,26 dollarë për fuçi nga mbyllja e mëparshme.