Erdoğan dhe Yıldırım vizitojnë varrezën e dëshmorëve të 15 Korrikut

STAMBOLL (AA) - Presidenti i Turqisë, Recep Tayyip Erdoğan dhe kryeministri Binali Yıldırım vizituan Varrezën e Dëshmorëve të 15 Korrikut në Edirnekapi të Stambollit, në prag të përvjetorit të tentativës për grusht shteti më 15 korrik të vitit të kaluar në Turqi nga organizata terroriste FETO, raporton Anadolu Agency (AA).

Fillimisht në varrezë u shfaq kryeministri Yıldırım, ndërsa më pas priti presidentin Erdoğan. Në vizitë morën pjesë edhe zyrtarë të tjerë të Turqisë, përfshirë edhe autoritetet lokale të Stambollit.

Në kuadër të vizitave në varrezën e dëshmorëve, autoritetet turke kanë marrë masa të rrepta të sigurisë.

Krahas zyrtarëve, varreza është vizituar edhe nga një numër i madh i qytetarëve.

Ndryshe, organizata terroriste FETO më 15 korrik të vitit të kaluar tentoi të realizojë grusht shteti me qëllim të prishjes së rendit kushtetues dhe përmbysjen e pushtetit të zgjedhur në mënyrë demokratike, ku si pasojë humbën jetën rreth 250 civilë, kurse u plagosën rreth 2200 të tjerë.