Maqedoni e Veriut, 199 raste të reja dhe 32 viktima nga COVID-19

Maqedonia e Veriut gjatë 24 orëve të fundit ka regjistruar 199 raste të tjera të koronavirusit të ri (COVID-19), duke e çuar në 180.243 numrin e përgjithshëm të rasteve të konfirmuara me këtë virus në vend, transmeton Anadolu Agency (AA).

Sipas të dhënave të Ministrisë së Shëndetësisë, numri i vdekjeve po ashtu është rritur në 6.097, me 32 viktima të regjistruara gjatë ditës së fundit.

Vendi po ashtu regjistroi 556 pacientë të tjerë që fituan betejën kundër pandemisë, me çka numri i përgjithshëm i pacientëve të shëruar nga virusi ka arritur në 159.365.

Aktualisht në Maqedoninë e Veriut numri i rasteve aktive me COVID-19 është 14.781.

Që nga shpërthimi i pandemisë, autoritetet shëndetësore të vendit kanë kryer 1.190.914 teste të dyshuara për COVID-19, përfshirë 2.558 teste të kryera gjatë ditës së fundit.