Esra Kaymak
16 Tetor 2015•Përditësim: 16 Tetor 2015
WASHINGTON (AA) - Presidenti amerikan Barak Obama dhe presidenti turk Rexhep Tajip Erdogan në një bashkëbisedim të enjten, kanë folur për thellimin e bashkëpunimit në luftën kundër DAESH-it, raporton Anadolu Agency.
Të dy liderët gjatë një bisede telefonike kanë përsëritur qëndrimin e tyre të përbashkët që të rrisin presionin ushtarak mbi DAESH-in dhe të forcojnë opozitën të moderuar siriane që të krijohen kushte për zgjidhje të konfliktit me anë të bisedimeve duke përfshirë edhe tranzicionin politik, tha Shtëpisa e Bardhë.
Turqia, e cila kufizohet me Sirinë, është anëtare e koalicionit të udhëhequr nga SHBA-të që lufton shkatërrimin e DAESH-it. Koalicioni synon që përfundimisht të shkatërrojë militantët dhe të inicojë një tranzicion politik në Siri, pa presidentin Bashar al-Asad.
Obama dhe Erdogan ranë dakord gjithashtu edhe për nevojën urgjente që ti vihet fundi sulmeve të PKK-së në Turqi, një organizatë kjo që është shpallur terroriste nga Turqia, SHBA-të dhe BE-ja.
Që nga korriku, mbi 150 anëtarë të forcave turke të sigurisë janë martirizuar, më shumë se 2,000 terroristë të PKK janë vrarë pasi prishjes së armëpushimit i cili zgjati dy vjet e gjysmë.
Gjatë bisedës, Obama dënoi sulmin terrorist të 10 tetorit në kryeqytetin turk Ankara, ku mbetën të vrarë 99 persona.
“Obama ka shprehur ngushëllimet si edhe solidaritetit e SHBA-ve lidhur me kërcënimet e sigurisë me të cilat përballet Turqia” kumtoi Shtëpia e Bardhë.
Sulmi i së shtunës ishte sulmi më vdekjeprurës terrorist në historinë e Turqisë.
