Presidenti rus Putin viziton ishullin Kuril Iturup

Presidenti rus Vladimir Putin vizitoi ishullin Iturup, një nga ishujt në zinxhirin e diskutueshëm të Ishujve Kuril të pretenduar nga Rusia dhe Japonia, transmeton Anadolu.

Siç tregohet në pamjet e lëshuara nga shërbimi për media i Kremlinit, Putini vizitoi kompleksin e përpunimit të peshkut Yasny, tha Tass.

Putini tha të mërkurën se Japonia vazhdon të mbajë pretendime territoriale ndaj vendit të tij mbi Ishujt Kuril dhe se Moska kishte marrëdhënie konstruktive me Tokion për këtë çështje gjatë administratës së ish-kryeministrit japonez, Shinzo Abe.

"Tani shohim, për fat të keq, ndryshime në qëndrime të cilat, theksoj, nuk janë provokuar në asnjë mënyrë nga ana jonë", shtoi ai.

Japonia dhe Rusia mbeten të bllokuar në një mosmarrëveshje territoriale mbi katër ishujt më jugorë të Kurilit, përkatësisht Etorofu, Kunashiri, Shikotan dhe ishujt Habomai, të cilat kontrollohen nga Rusia, por Japonia i identifikon ato si Territoret Veriore.

Mosmarrëveshja ka penguar nënshkrimin e një traktati paqeje midis dy vendeve që nga Lufta e Dytë Botërore dhe tensionet janë thelluar në vitet e fundit mes sanksioneve të Japonisë kundër Moskës për luftën Rusi-Ukrainë.