Muhammet Kurşun
03 Dhjetor 2015•Përditësim: 04 Dhjetor 2015
ERBIL (AA) - Zëdhënësi i Qeverisë Rajonale Kurde të Irakut, Sefin Dizayi, në lidhje me pretendimet e Ministrisë së Mbrojtjes së Rusisë që nafta e DAESH-it kalon në Turqi nëpërmjet linjës Zho-Silopi, ka pohuar se kundërshtojnë pretendimet e Rusisë, raporton Anadolu Agency (AA).
Dizayi në një deklaratë për gazetarin e AA-së duke theksuar se i shohin me shqetësime pretendimet e Rusisë për naftën e DAESH-it u shpreh se "akuzat e një shteti si Rusia që pretendon se nafta e DAESH-it dërgohet në Turqi nëpërmjet rajonit të Kurdistanit na ka dëshpëruar. Informacionet e publikuara nga Rusia nuk janë të drejta".
"Si qeveri e Kurdistanit ne kundërshtojmë këto pretendime të Rusisë. Linjat e tubacioneve, nga Zaho dhe deri në pikën kufitare Ibrahim Halil janë pronë e rajonit të Kurdistanit. Ministria e Burimeve Natyrore në kudër të marrëveshjeve me kompanitë e huaja menaxhon procesin. Një pjesë të madhe të naftës së nxjerrë në rajonin Duhoj dhe Badinan me linjat e tubacionit e dërgon në Turqi. Ndërsa një pjesë tjetër të naftës e dërgon me tankerë" ka shtuar ndër të tjera Dizayi.
Duke vënë në dukje luftën kundër DAESH-it të Rajonit kurd dhe Peshmergëve Dizayi ka vlerësuar se: "Nafta që rajoni i Kurdistanit shet nuk ka lidhje me DAESH-in. Rajoni i Kurdistanit lufton më shumë se çdo kush me DAESH-in, është forca primare që mbështet Peshmergët në luftën kundër kësaj organizate. Peshmergët të cilat janë forcat që kanë thyer dhe prishur mitin e DAESH-it. A mund të shesë drejtpërdrejtë apo tërthorazi rajoni i Kurdistanit naftë e cila ofron përfitime për DAESH-in? A mund të ndërmjetësojë Kurdistani në tregtinë e DAESH-it? Këtë pretendim nuk i pranon as mendja as arsyetimi".
"Rusia po bën deklarata të gabuara mbi burimet e naftës. Shpresojmë që edhe palët e tjera nëpërmjet informacioneve të gabuara të mos hedhin hapa të tilla" ka deklaruar ndër të tjera Diyazi.
Duke u shprehur se nafta që shkon drejt Turqisë nga Qeveria Rajonale Kurde në çdo fazë të sajë është transparente Dizayi ka shprehur pikëpamjet se: "Nafta e DAESH-it, në asnjë mënyrë nuk ka kaluar nëpër kufijtë e kontrolluara nga Kurdistani. Kundërshtojmë me forcë këto pretendime të Rusisë dhe nuk pranojmë asnjë akuzë kundrejt nesh. Sepse linjat e tubacionit nga rajoni Zaho drejt Turqisë nuk janë të fshehta, por janë të qarta se ku ndodhen. Kjo është tërësisht pa lidhje".
Dizayi ka vënë në dukje se Rusia ka konsullatë në Erbil dhe se në lidhje me këtë çështje ata presin shpjegime u shpreh më tej se: "Marrëdhëniet mes Rajonit të Kurdistanit dhe Rusisë janë të mira dhe miqësore. Edhe kompanitë ruse të naftës kanë aktivitete në rajonin e Kurdistanit. Shpresojmë që Rusia ti rishikojë informacionet në këtë temë. Rusia duhet të rregullojë informacionet që askush të mos hyjë në një rrugë të gabuar".
Edhe Abdullah Barzani, Shefi i Policisë së Pikës Kufitare mes Turqisë dhe Irakut të Veriut, Ibrahim Halil duke kundërshtuar pretendimet e Ministrisë së Mbrojtjes së Rusisë tha se: "Këto janë pretendime të pabaza që janë hedhur për të dëmtuar imazhin e rajonit të Kurdistanit. Është e qartë dhe e përcaktuar se në çfarë mënyrë dhe në cilat rrugë eksporton naftën Rajoni i Kurdistanit. Dërgesat e naftës janë bërë në mënyrë transparente dhe të hapur".
Ndërsa ministri i Burimeve Natyrore të Qeverisë Rajonale të Irakut, Ashti Hawrami në një fjalim të mbajtur në "Konferencën Nafta dhe Gazi i Rajonit Kurdistanit" të mbajtur në Londër kishte theksuar se DAESH ka krijuar një pengesë në eksportin e naftës të Rajonit të Kurdistanit . Ai pati deklaruar se: "Po të mos ishte i pranishëm DAESH deri tani eksportet tona të përditshme të naftës do të ishin në 1 milionë fuçi".
Akuzat e Rusisë se "Turqia bën tregti të naftës me DAESH-in" dolën në pah pas rrëzimit të avionit rus i cili shkeli hapësirën ajrore turke. Këto pretendime të shpërndara intensivisht nga mediat nën kontrollin e qeverisë së Kremlinit, nuk u gjendën të besueshme në opinion publik ndërkombëtarë.
Një avion luftarak i prodhimit rus me nacionalitet të papërcaktuar me 24 nëntor nga hapësira ajrore e Sirisë pati kaluar në anën turke dhe u rrëzuar nga avionët turq F-16 për shkak se vazhdoi shkeljen pavarësisht 10 paralajmërimeve të bëra. Pas ngjarjes Rusia deklaroi se avioni i përkiste asaj. NATO konfirmoi saktësinë e informacioneve të paraqitura nga Turqia në lidhje me shkeljen e hapësirës ajrore të avionit. Edhe në fillim të muajit tetor avionët luftarakë të Rusisë patën shkelur hapësirën ajrore të Turqisë, ku pas ngjarjes autoritetet ruse duke kërkuar falje kishin njoftuar se të njëjtat situata nuk do të përsëriteshin. Ndërsa Turqia kishte ripërsëritur se ndaj shkeljeve të hapësirës ajrore do të zbatonte rregullat e angazhimit që përfshijnë kundërpërgjigjen ushtarake.
