Ercan Çakar
16 Shkurt 2017•Përditësim: 16 Shkurt 2017
STAMBOLL (AA) – Eksperti kroat i futbollit, Igor Turdor ka nënshkruar një kontratë 18-muajshe ku dhe zyrtarisht është bërë trajneri i ri i kampionit të shumëfishtë turk Galatasaray, raporton Anadolu Agency (AA).
Zyrtarizimi i kontratës dhe prezantimi i Tudorit për shef të shtabit teknik të Galatasarayit u bë sot në sallonin e stadiumit “Turk Telekom Arena”.
Presidenti i klubit, Dursun Ozbek deklaroi se kryesia e klubit kishte vendosur për ndërprerjen e bashkëpunimit me trajnerin holandez Jan Olde Riekerink, dhe se pas kësaj ka pasur më shumë opisione në shqyrtim, ndërkohë që Igor Tudor është përzgjedhur si njeriu i cili do ti sjellë ekipit më shumë trofe.
“Tudor është zyrtarizuar për shef të shtabit teknik. I dëshiroj shumë suksese me ekipin dhe jam i bindur se do të sjellë shumë të reja në klub”, tha Ozbek.
Ish-trajneri i klubit turk Kardemir Karabukspor, Tudor, nga ana e tij tha se është i nderuar me mundësinë që të drejtojë klubin siç është Galatasaray dhe shtoi se ka ardhur të punojnë shumë dhe të jetë i suksesshëm.
"Qëllimi i të gjithë ne në klub është përfaqësimi i Galatasarayit në dritën më të mirë të mundshme dhe të arrijmë suksese. Falënderoj presidentin e klubit për vlerësimin. Dëshira dhe qëllimi i vetëm që kemi është suksesi i Galatasarayt”, tha Tudor.
