Infantino: Gratë në Iran do të lejohen të hyjnë në stadium

CYRIH (AA) - Presidenti i FIFA-s, Gianni Infantino ka thënë se autoritetet iraniane e kanë bindur atë se së shpejti gratë do të lejohen të ndjekin ndeshjet e futbollit në stadiume, pasi një grup i grave është ndaluar të hyjnë në ndeshjen në të cilën ishte i pranishëm në Teheran, transmeton Anadolu Agency (AA).

Agjencia iraniane e lajmeve IRNA citoi ministrin e Brendshëm iranian, i cili tha se rreth 35 gra u penguan të hyjnë në stadiumin "Azad" të enjten në ndeshjen midis ekipeve Esteqlal dhe Persepolis, të cilat policia i këshilloi të shkonin në vende "më të përshtatura".

Infantino hapi të premten konferencën e FIFA-s për barazinë, duke pretenduar se kjo rrugë mund të ndihmojë "shumë gra anembanë botës".

"Shpresoj, jam i bindur dhe më kanë premtuar se gratë pothuajse do të lejohen të hyjnë në stadiumet në Iran", tha Infantino.

Ai nuk specifikoi se kush ka lëshuar ndalesën duke thënë se nuk dëshiron të dëgjohet se ai "kritikoi dikë".