Presidenti i FIFA-s vizitë në Niger

NIAMEY (AA) - Presidenti i FIFA-s, Gianni Infantino, ka zhvilluar një vizitë në Niger, ku ka marrë pjesë në ceremoninë e inaugurimit të një kompleksi sportiv në këtë vend, raporton Anadolu Agency (AA).

Infantino është pritur nga Presidenti i Nigerit, Mahamadou Issoufou dhe ministri i këtij vendi për Sportin, Maman Moctar Kassoum.

Në fjalën e tij të mbajtur në këtë ceremoni, ai ka falënderuar Presidentin Issoufou për mbështetjen që i jep sportit duke thënë se "Nigeri është vendi i sportit".

Ndërsa në fjalën e tij të mbajtur në këtë ceremoni, ministri i Sporteve, Kassoum, tha se kompleksi me vlerë 2.7 milionë euro është bërë nga FIFA dhe se ai përbëhet nga 3 fusha futbolli dhe një hotel me 25 dhoma.

Nigeri është bërë pjesë e FIFA-s në vitin 1962, ndërsa për herë të parë është vizituar nga presidenti i FIFA-s, braziliani Joao Havelange në vitin 1981.