ZAGREB (AA) - Presidenti i Federatës Kroate të Futbollit (HNS), Davor Shuker, deklaroi sot se e gjithë HNS-ja qëndron pas Zdravko dhe Zoran Mamiç dhe Damir Vrbanoviç dhe beson se ata janë të pafajshëm, raporton Anadolu Agency (AA).
Bordi Ekzekutiv i HNS pati një takim sot dhe shprehu unitetin, tha Shuker.
Presidenti i HNS-së, Davor Shuker tha se Komiteti Ekzekutiv ishte unik në qëndrimin se Zdravko Mamiç, zëvendës-kryetar i HNS-së, Damir Vrbanoviç, drejtor ekzekutiv i HNS-së dhe trajneri i Dinamos, Zoran Mamiç, janë të pafajshëm deri sa të vërtetohet e kundërta.
Suker tha se HNS pavarësisht arrestimit të dy zyrtarëve të saj funksionon normalisht.
Duke folur për kryqin nazist në Poljud, Shuker tha: "Të tre javët e fundit, sikur dikush ka shkruar një program. Dua të besoj se ishte e rastësishme, por duke e ditur përvojën personale, kur të denoncojë Kroacinë në ujërat evropiane, këtu jemi të parët", tha Shuker.
Duke komentuar mbi akuzat se ishte i përfshirë në mafian e basteve, ai hodhi poshtë çdo akuzë dhe tha se beson që drejtësia në fund do të fitojë.
