Miqësia e vogëlushes Ceyda me dhitë tërheq vëmendjen e banorëve në Kastamonu

9-vjeçarja Ceyda Sivri nga fshati Çorbaci, në Kastamonu të Turqisë, kalon pjesën më të madhe të kohës së lirë duke u kujdesur për 13 dhitë e familjes së saj, duke krijuar një miqësi që u tërheq vëmendjen të gjithëve, raporton Anadolu

Nxënësja e klasës së tretë vrapon drejt stallës sapo kthehet nga shkolla, i nxjerr dhitë për t’i kullotur, u jep ujë dhe kalon kohë me to në natyrë, edhe në ditët e ftohta me borë.

“Edhe ata duan shumë të dalin jashtë, edhe unë dal me ta. Kur ka borë shëtisim në borë, kur nuk ka i kullos dhe i kthej në shtëpi”, thotë Ceyda.

Ajo i thërret dhitë me emra dhe thotë se e ndjekin sapo e shohin, ndërsa babai i saj, Turhan Sivri, thekson se Ceyda ka krijuar një lidhje të veçantë me kafshët që nga mosha e vogël.

Banorët e fshatit thonë se dhitë janë shumë të lidhura me vogëlushen Ceyda, duke e ndjekur kudo dhe duke treguar qartë afeksionin ndaj saj.