Ndryshime në strukturën e Këshillit të lartë ushtarak të Turqisë

ANKARA (AA) - Në kuadër të ndryshimeve në strukturën e Këshillit të Lartë Ushtarak të Turqisë, pjesë e saj do të jetë Kryeministri, zv/kryeministri, Ministri i Drejtësisë, Ministri i Punëve të Jashtme, Ministri i Punëve të Brendshme, Ministri i Mbrojtjes, Shefi i Shtabit të Përgjithshëm dhe komandantët e forcave tokësore, ajrore dhe detare, raporton Anadolu Agency ( AA).

Sipas vendimit të Qeverisë së Turqisë, e cila gjatë gjendjes së jashtëzakonshme e ka fuqinë e ligjit, në Këshillin e Lartë Ushtarak do të jetë kryeministri dhe disa anëtarë të kabinetit. Vendimi është publikuar në 'Gazetën Zyrtare' të Republikës së Turqisë.

Më parë në këtë Këshill nuk ishin zv/kryeministri, Ministri i Punëve të Brendshme, Punëve të Jashtme dhe Ministri i Drejtësisë.

Me këtë vendimi janë bërë edhe disa ndryshime në Ligjin për Forcat e Armatosura të Turqisë.

Këshilli i Lartë Ushtarak i Turqisë javën e kaluar mbajti seancën e saj të parë jashtë hapësirave të Shtabit të Përgjithshëm të Forcave të Armatosura, takimi u mbajt në ndërtesën e Qeverisë së Turqisë.

Takimi u kryesua nga kryeministri Binali Yildirim, ku pas përfundimit të takimit u njoftua se Shefi i Shtabit të Ushtrisë General Hulusi Akar, dhe komandantët e forcave tokësore, ajrore dhe detare do të vazhdojnë të ushtrojnë detyrat e tyre.