Presidenti Erdoğan më 8 dhe 9 korrik vizitë në BeH

Presidenti i Republikës së Turqisë, Recep Tayyip Erdoğan, më 8 dhe 9 korrik do të qëndrojë për vizitë në Sarajevë, me rastin e samitit të Procesit të Bashkëpunimit në Evropën Juglindore (SEECP), me të cilin kryeson Bosnja e Hercegovina, raporton Anadolu Agency (AA).

Shefi i Departamentit për komunikim në Kabinetin e presidentit të Turqisë, Fahrettin Altun, përmes Twitterit publikoi njoftimin e vizitës së Erdoğanit në Bosnjë e Hercegovinë.

Ai rikujtoi se Turqia fuqishëm mbështet Procesin e Bashkëpunimit në Evropën Juglindore.

“Në takim do të bisedohet për hapat e zhvillimit të bashkëpunimit në Ballkan, në radhë të parë në ekonomi, tregti, transport, infrastrukturë dhe investime”, njoftoi Altun.

Ai shtoi se pret që Erdoğan gjatë vizitës të takohet me anëtarët e Presidencës së Bosnjë e Hercegovinës dhe liderët e disa vendeve pjesëmarrëse të samitit.

Pritet që Erdoğan të takohet edhe me delegacionin e batalionit turk që vepron në përbërje të EUFOR-it në BeH.