Rrëzohet një avion stërvitës në Turqi

Një avion stërvitës u rrëzua sot në kryeqytetin turk Ankara, por dy pilotët e tij nuk janë lënduar, tha një firmë lokale e hapësirës ajrore, transmeton Anadolu Agency (AA).

Sipas Industrive turke të Hapësirës Ajrore (TAI), avioni Hurkus u rrëzua gjatë një fluturimi testues në rrethin Beypazari të Ankarasë rreth orës 12:30 sipas kohës lokale.

Dy pilotët, njëri në detyrë aktive, kurse tjetri në pension, u dërguan në spital për kontrolle shëndetësore, thuhet në deklaratën e TAI-t.

Autoriteti i Menaxhimit të Fatkeqësive dhe Emergjencave të Turqisë (AFAD), xhandarmëria dhe ekipet shëndetësore shkuan në vendin e përplasjes pasi mësuan për ngjarjen.

Shkaku i përplasjes është i panjohur dhe do të hetohet, thuhet në deklaratë.