Sulmi terrorist në Stamboll, rritet në 14 numri i të arrestuarve

STAMBOLL (AA) - Ka shkuar në 14 numri i personave të arrestuar në lidhje me sulmin terrorist të ndodhur në Ortaköy të Stambollit në orët e para të këtij viti, raporton Anadolu Agency (AA).

Në kuadër të hetimeve për sulmin terrorist në të cilin humbën jetën 39 persona dhe u plagosën 65 të tjerë, Prokuroria e Stambollit ka lëshuar urdhër arresti për 6 persona të tjerë të cilat janë ekzekutuar nga ekipet policore.

Nga ana tjetër Prokuroria ka njoftuar se hetimet në lidhje me 8 personat e arrestuar më parë janë ende në vazhdim.

Ndërkohë Policia e Stambollit ka njoftuar se një numër i madh telefonatash kanë mbërritur pas publikimit të fotove të agresorit të sulmit terrorist në klubin e natës.

Ekipet policore janë duke vlerësuar maksimalisht këto informacione duke intensifikuar operacionin për kapjen e autorit.