Türkiye shpëton 14 emigrantë të parregullt të shtyrë mbrapa nga Greqia

Roja Bregdetare Turke shpëtoi 14 migrantë të parregullt në Detin Egje, të cilët u shtynë ilegalisht në ujërat territoriale turke nga autoritetet greke, transmeton Anadolu.

Ekipet e Komandës së Grupit të Rojës Bregdetare të Egjeut Verior përcaktuan se kishte emigrantë të parregullt në një gomone në Ayvacık në provincën Çanakkale.

Roja bregdetare gjithashtu njoftoi se emigrantët ishin nga Jemeni, Sudani dhe Eritrea.

Pas procedurave të nevojshme, emigrantët që u nxorën në breg u transferuan në Zyrën e Emigracionit në Ayvacık.

Në një incident tjetër, 41 migrantë të parregullt u kapën në kuti ngarkesash të një kamioni në Muğla.

Autoritetet kanë ndaluar dhe arrestuar dy persona të dyshuar për përfshirje në kontrabandë emigrantësh.

Türkiye dhe grupet globale të të drejtave kanë dënuar në mënyrë të përsëritur praktikën e paligjshme të Greqisë të shtyrjes mbrapa të migrantëve të parregullt, duke thënë se ajo shkel vlerat humanitare dhe ligjin ndërkombëtar duke rrezikuar jetën e migrantëve të cenueshëm, duke përfshirë gratë dhe fëmijët.

Türkiye ka qenë një pikë kyç tranziti për migrantët e parregullt që duan të kalojnë në Evropë për të filluar jetë të re, veçanërisht ata që ikin nga lufta dhe persekutimi.