Turqi, shkalla e inflacionit arrin në 12.37 për qind në shkurt

Shkalla e inflacionit që u regjistrua në shkurt në Turqi ishte 12.37 për qind, njoftoi sot autoriteti statistikor i vendit, transmeton Anadolu Agency (AA).

Shifrat e muajit të kaluar u rritën me 0.22 pikë përqindje nga 12.15 për qind në janar, tha në një deklaratë Instituti Turk i Statistikave (TurkStat).

Pijet alkoolike dhe duhani patën rritjen më të lartë të çmimeve nga krahasuar me vitin e kaluar me 40,15 për qind, ndërsa rritja më e ulët vjetore ishte 2.27 për qind në komunikim, tha organi shtetëror.

Në baza mujore, indeksi i çmimeve të konsumit u rrit 0.35 për qind muajin e kaluar.

Me seli në Ankara, TurkStat është agjencia qeveritare e ngarkuar për përpilimin e shifrave zyrtare në lidhje me popullsinë, ekonominë, shoqërinë dhe kulturën e vendit. Ajo u themelua në vitin 1926.