Viti i Ri pritet në atmosferë festive në Turqi

STAMBOLL (AA) - Në atmosferë festive, qytete të ndryshme të Turqisë kanë pritur Vitin e Ri 2019, raporton Anadolu Agency (AA).

Në Stamboll, qytetin më të madh të Turqisë, qytetarët dhe turistët u mblodhën në sheshin simbolik Takism dhe Rrugën Istiklal, si dhe në Kadikoy, lagjen e frekuentuar në pjesën aziatike të qytetit.

Duke ndezur pishtarë dhe duke kënduar, turma krijoi pamje festive. Ndërrimi i motmoteve u shoqërua edhe me ndezje të fishekzjarreve.

Ndërkaq, në Ankara, qytetarët janë tubuar në Sheshin Кızılay-15 Korriku, ku krahas motit të ftohtë, qytetarët pritën Vitin e Ri në shoqërim të muzikës dhe fishekzjarreve.

Ndërrimi i motmoteve ka kaluar me pamje spektakolare në mbarë Turqinë.