Ali Rıza Akkır,Ayşe Yıldız
31 Korrik 2021•Përditësim: 31 Korrik 2021
Zjarri pyjor në zonën pyjore në rrethin Fethiye të Muğla-s është vënë nën kontroll, transmeton Anadolu Agency (AA).
Në zonën pyjore të lagjes Ölüdeniz shpërtheu një zjarr për arsye të pacaktuar deri më tani.
Duke u përpjekur për të kontrolluar zjarrin, i cili u përhap në një zonë të gjerë me efektin e erës, ekipet ndërhynë në rajon nga toka.
Shumë qytetarë që erdhën në rajon gjithashtu mbështetën ekipet.
Guvernatori i Qarkut Fethiye, Eyüp Fırat, i cili koordinoi përpjekjet e shuarjes së zjarrit, për mediat tha se qëllimi i tyre i parë është të parandalojnë përhapjen e zjarrit.
"Sapo morëm lajmin për zjarrin, ne dërguam të gjitha ekipet. Përpjekja jonë vazhdon. Qëllimi ynë i parë është ta shuajmë", tha Fırat.
Kryebashkiaku i Fethiye-s, Alim Karaca, tha se zjarri ishte larg hoteleve dhe vendbanimeve.
Duke u shprehur se ata janë duke mobilizuar objektet e bashkisë për ta shuar zjarrin, Karaca tha, "Ne ndërhymë me të gjitha ekipet tona. Ka një zjarr edhe në rajonin Kayaköy. Ne jemi duke u përqendruar në mundësinë e sabotimit".
Ministri i Bujqësisë dhe Pylltarisë, Bekir Pakdemirli, në mediat sociale shkroi se "zjarri në rrethin Fethiye të Muğla-s është vënë nën kontroll".
