03 Mijdar 2016•Rojanekirin: 04 Mijdar 2016
ÎSTANBÛL
Hat ragihandin ku li Iraqê ji destpêka operasyona dijî DEAŞa rêxistina terorê vir ve ji herêmên li dora Mûsilê yên ku hatin xilaskirin ji 20 hezarî zêdetir sivîl koçî herêmên ewledar kirin.
Ji Wezareta Koç û Koçberan a Iraqê daxuyaniyeke nivîskî hat dayîn û hat diyarkirin ku ji destpêka operasyona xilaskirina Mûsilê vir ve jimara kesên ku xwe sipartin kampên penaberan ên girêdayî wezaretê gihaşt 20 hezar û 87an.
Di daxuyaniyê de dan zanîn ku wezaretê îro 559 kesên ku ji herêmên cur bi cur ên Mûsilê koç kirin pêşwazî kirin û kesên navborî bi kordînasyona Wezareta Gihandinê neqlî kampên penaberan ên li Dakûka li bajarê Kerkûkê, Cedaya li bajaroka Qeyyaraya Mûsilê, Hesen Şama li bajaroka Xazirê û li Dîbegeya kampa penaberan a li Mexmûrê kirin.
- "300 hezar kon hatin amadekirin"
Ji aliyê din ve Wekîlê Wezîrê Koç û Koçberan a Iraqê Casim el-Atiyye daxuyaniyek da nûçegihanê AAyê û got ku ji ber operasyona Mûsilê ji bo ku hewcedariya hewirînê ya gelê herêmê bê pêkanîn 300 hezar kon hatin amadekirin.
Atiyye got ku Wezaretê ji bo ku hewcedariya 50 hezar malbatên dibe ku ji Mûsilê koç bikin pêk bîne amadehiyên xwe temam kirin û got ku "Li ser îhtimala ku her malbat hema bêje ji 6 kesî pêk tê di rewşa berdest de konên ku têrî 300 hezar kesî dike hatin amadekirin."
