Li Sûdanê bi daxwaza rêveberiya sivîl protesto dewam dikin

Li Sûdanê li dijî midaxeleya eskerî ya artêşê welatî li taxên der û dora Xartûma paytex çalakiyên bertekê didomînin.

Li Kalakale, Behrî û Umdurmanê "dijberên derbeyê" derketin kuçe û kolanan.

Çalakvanan li dijî midaxeleya eskerî dirûşme gotin û xwestin ku girtiyên siyasî werin berdan û di dema herî nêz da derbasî rêveberiya sivîl bibin.

Artêşê û polêsan kolanan balafirgehê ji çûyîn û hatinê ra girtin, li ser rêyên diçin baregeha eskerî û qesra serokomariyê jî barîqat hatin danîn.

Li taxên dora paytextê qerebalixiya çalakvanan heye lê li navenda bajêr hê tiştek xanê nake.

Orgeneral Ebdilfetah Birhanê Fermandarê Artêşa Sûdanê îro got ku bi şertê aştiyanebûnê va artêşê midaxeleyî çalakiyên dijî midaxeleya eskerî nekin.

Yekîtiya Odeyên Mesleg a Sûdanê û Komîteyên Berxwedana Sûdanê yên çalakiyên dijî derbeyê organîze dikin û rêveberiya sivîl dixwazin îro bang kirin ku li tevahiyê welêt çalakî werin lidarxistin.

Li Sûdanê di 25ê cotmehê da Ebdillah Hemdukê serokwezîr û gelek siyasetmed hatibûn binçavkirin û roja din Hemduk hatibû berdan.

Orgeneral Ebdilfetah Birhan diyar kiribû ku rewşa derasayî îlan kirin, Konseya Desthilatdariyê û kabîne hatin fesxikirin û li Sûdanê ew ê hikûmeta teknotrat a her kesî temsîl dike ava bikin.