Serokê nû yê Parlamentoya Ewropayê hat hilbijartin

Di hilbijartina ji bona Serokatiya Parlamentoya Ewropayê da Davîd Marîa Sassoliyê namzedê Demokratên Civakî yê Îtalyan bû serokê nû yê Parlementoya Ewropayê.

Li dewletên Yekîtiya Ewropayê (YE) piştî hilbijartinên ku di meha gulanê da hatin kirin di heyama nû da Lijneya Giştî ya Parlamentoya Ewropayê bi 4 namzedî dest bi dengdayînê kir û heta tûra duyemîn encam derneket.

Li gor rêgezan di tûra yekemîn da encam derneket û di tûra duyemîn da Davîd Marîa Sassoliyê namzedê Demokratên Civakî 345 ray hilda.

Ska Kellera namzeda Partiya Kesk ya Ewropayê ya Alman 119, Sîra Regoya namzeda Çepgirên Yekbûyî ya Ewropayê-Çepgirên Kesk ya Îskandinavê ya Îspanyol 43 û Jan Zahradilê namzedê Mihafezekar û Reformîstan Ewropayê yê Çekyayê 160 ray hilda.

Antonîo Tajaniyê Îtalyan wê wezîfeya Serokatiya Parlamentoya Ewropayê dewrî Sasoliyê 63 salî bike.

Sassoliyê rojnamevanê berê 1ê Tîrmeha 2014an da bûbû Alîkarê Serokê Parlamentoya Ewropayê.

- Rayeyên Serokê Parlamentoya Ewropayê

Serokê Parlamentoya Ewropayê wek nûnerê fermî hebû xebatan îdare dike û serokatiya Lijneya Giştî dike. Serok di karên hiqûqî û diplomasiyê da nûnerê Parlamentoya Ewropayê ye. Serok destûrê dide budçeyê Yekîtiya Ewropayê û ji bona qanûnên YEyê bikevin rewacê divê bi Serokê Konseyê ra îmze bike.

Di Parlamentoya Ewropayê da gorî nifûsên 28 dewletên endamên YEyê 751 parlamenter hene.