Bi kelekên ku bi xwe çêkirin va tûran li dar dixin

BATMAN

Li Kozluka navçeya Batmanê xelkê gundên li rexê Gola Bendava Xerzanê ya ku di 2012an da li ser Ava Yanarsuyê hat damezirandin, bi derfetên xwe kelekan çêdikin û li ser gola bendavê tûran li dar dixin.

Kesên ku beşdarî tûrê dibin li ser golê heya sînorê Bitlîsê seyahetê dikin û li gundên li rex avê Norşîn, Yenîdogan, Akçakişla, Yazili, Koselî, Kusket û Damarliyê digerin û temaşeyî xweşikahî û sipehîtiya deverê dikin.

Tuncay Yildiz motora tekneyan monteyî kelekê ku berhemê wî ye, kiriye û pê tûran li dar dixe. Yildiz di daxuyaniya xwe ya ku da peyamnerê AAyê da destnîşan kir ku ew her kesî vedixwîne da ku bên dîtina xweşikahiya herêmê û herwiha got ku destpêka tûra wan Gola Bendava Xerzanê ya li navçeya Kozlukê ye û dawiya tûrê jî diçe heya Mûtkiya navçeya Bitlîsê.

- "Çi kêşeyeke ewlekariyê nîne"

Yildiz destnîşan kir ku kesên tevlî tûrê dibin, dikarin gundên li rexê avê jî bibînin û wiha dewam kir, "Mêvanên me ji gundan berhemên organîk dikirin. Wê derfetê bi dest dixin ku xweşikahî û sipehîtiya xwezayê bibînin. Li vir çi kêşeyeke ewlekariyê nîne. Herwisa erdnîgariya vir jî pir baş e."

Mamoste Pinar Barlika ku li herêmê 4 sal e dixebite û beşdarî tûrê bû, destnîşan kir ku li herêmê ciyên pir xweşik hene, lê kêmasî jî heye ku danasîna wê baş nayê kirin.