Li ser Gola Nazikê welatî mîna "eskîmoyan" masî digirin

Li Xelata navçeya Bedlîsê masîgir li ser Gola Nazikê ku ji ber serma û seqemê qerisiye mîna "eskîmoyan" masî digirin.

Welatiyên ji beldeya Ovakişlayê û gundên Nazik, Golgoren, Dîlburnu û Kirikkayayê bi biviran cemeda golê dişikînin û bi tor û amûrên masîgiriyê ji golê masî digirin.

Welatî digel serma û seqemê ji masiyên ku ji golê digirin difiroşin.

Mehmet Ogurê masîgir destnîşan kir ku debara xwe bi masiyan dikin û got ku em zivistanê ji golê masî digirin.

Ogur destnîşan kir ev gol heya meha Nîsanê qeşa digire û wiha axivî, "Îsal tebeqeya cemedê 30 santîmêtro ye. Em 3 kîlomêtro ji rêyeke dûr tên û torên xwe ji golê dikişînin. Em şeveqê zû tên û heya esrê masî digirin."

Masîgir Çetin Kardogan jî diyar kir ku zivistanê ji Gola Nazikê masî digirin û wiha got, "Zivistan çetin e, em naçin bajarên rojavayê û naxebitin. Em debara xwe bi masîgiriyê dikin. Em şeveqê zû tên, cemedê dişikînin û tora xwe diavêjin."