Mitînga "Bi milyonan kes li dijî terorê yek deng"

ÎSTANBUL

Mitînga bi navê "Bi milyonan kes li dijî terorê yek deng in" ya ku ji hêla Platforma Piştgiriya Sivîl tê li dar xistin di saet 16.00an de dest pê kir. Serokomar Recep Tayyîp Erdogan, Serokê TBMMyê Îsmet Yilmaz û Serokwezîr Ahmet Davutoglu wê beşdarî mitîngê bibin.

Welatiyên ku beşdarî mitîngê bibin di bin kontrola polêsan de hatin qadê.

Li Qada mitîngê alayên tirkan, wêneyên Ataturk û Serokomar Recep Tayyîp Erdogan hatin daliqandin.

Li qadê "Teror sûcê mirovahiyê ye", "Bila rondika dayikekî jî nerije û aramî were li welêt" û hin pankartên din hatin daliqandin.

Tîmeke mezin li qadê dixebite û li wir nexweşxaneya di konê de, cihê nimêjkirinê, cihê destşoyê, ambulans û cihên ku av tên belavkirin heye.

- Alayên tirkan didin welatiyan

Li aliyê Zeytînburnuyê qasî 100 cihên kontrolê welatî dikarin bikevin qadê û dema welatî dikevin qadê wezîfedar alayên tirkan didin welatiyan.

Midûriyeta Ewlehiyê ya Stenbolê berê daxuyandibû ku ji ber mitînga li Yenîkapiyê hin rê wê ji trafîkê re bên girtin.

Ji saet 08.00an vir ve rêya Bakirkoy Pireya Taşhanlarê, Kolana Aksuyê, Kolana Kennedyê û xaçerêya Yenîkapiyê hat girtin. Ber bi Bakirkoyê ve trafîk dimeşe.